Муҳоҷирони бозгашта ба Тоҷикистон чӣ рӯзгор доранд?

Юрий Коков, муовини дабири Шӯрои амнияти миллии Русия ба нашрияи “Российская газета” гуфтааст, ки соли 2024 дар кишвар 700 ҳазор муҳоҷири ғайриқонуниро ошкор карда ва 152 ҳазор нафари онҳоро аз Русия рондаанд. Мақомоти тоҷик гуфтанд, ки танҳо соли 2024 беш аз сӣ ҳазор муҳоҷир аз Русия ихроҷ шудаанд. Муҳоҷирони баргашта оё дар ватан ҷойи кор пайдо карданд ва зиндагиашон аз кадом ҳисоб мегузарад? Хабарнигорони Радиои Озодӣ бо чанде аз муҳоҷирони баргашта суҳбат карданд.